Uranaih hu klauk jru pacang caga ruak viêm glaow akaok 

Tapa duah thau jit ruak yaok thun di Viện Vệ sinh dịch tễ Trung ương ye dom urang ruak viêm glo akaok kayua não mô cầu song kayua Hib bhian hu rilo dalam bilan bingu. Urang ruak rilo meng lac uranaih. Hu dom uranaih tame sang iek ruak tuk ruak biak trak kayua amaik ame sahneng lac dom ruak bhian randap yau cảm cúm nan ye iek lap oh ba uranaih nao iek ruak chip .

Ruak ba tal metai biak glong meyah oh thau avar song iek ruak oh njauk. Ruak pambak tapa jalan suak yava, saong meda njom mbak meng gaok plak tangin, gaok pandap panda njom anek ruak di urang ruak. Hadei di tuk abih ruak, urang ruak hu miễn dịch hong anek ruak týp huyết thanh, min, tukvak miễn dịch oh lavik, meda meng 2 tal  3 thun, urang nan meda njom ruak veik  atau njom sa  týp anek ruak karei

Ngan song urang ruak viêm glo akaok hu laneh (Hib) bhian mboh di uranaih umo meng 2 - 5 thun. Ruak bhian rah tabiak di thể bán cấp atau ruak chip meng dom triệu chứng yau pandiak labaih  38oC, taglaoh ta-ok , ndih var drei, kan suak yava di uranaih atau khang takuai di uranaih prong jang, uranaih meda njauk galaih glar, handaoh rup pabhap. Urang metai kayua Hib lac meng  3 - 8% di dom negar patagok, dok dom negar kan kathaot  meda tagok tal  40%. Hib njom mbak tapa jalan suak yava, anek ruak njom tapa tarakong. Jalan njom mbak lac urang ruak song urang siam hu anek ruak dalam rup, dom urang siam hu anek ruak dalam rup lac 80% di uranaih song  20% di urang prong.  Hib meda hu mboh luac thun  song urang njauk ruak rilo abih lac di bilan đông xuân, abih di nyu nan lac tuk langik pasah.

2 janih ruak ni meda taong ruak hu siam meng kháng sinh khang, min meyah caik ka ruak suai lavik ye mbuan ba tal metai lahik atau caik veik rilo kadha oh siam  ka bruk patagok glaow akaok  yau: metai abih rup, metai glaow akaok, ndom nyai oh cambaih, tangin takai kavong oh tapak, hu dom uranaih patagok glaow akaok hu, min kayua rup pabhap oh siam nan ye njauk rilo khat lahik tuk prong tagok song oh pachreih ba drei tame bhap bini .

Dom jalan pacang caga ruak prong jeng lac khik hacih rup pabhap, sa-at idhung tarakong, khik hacih saat labik daok lanieng lanoi, rilo pandiak, khik haci hacih tagei, cambuai, tarakong. Tuk njauk viêm jalan suak yava mboh yau njauk ruak brei ba urang ruak samar tal dom labik y tế./.

Urang lang: Hanipha- 4/3

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân