Rilo urang kan kathaot mesraiy jien di gilang pariak 

Urak ni, yaom liba brei mesraiy piah cai pandar, piah ngak mbang di dom gilang pariak, dom Cty jien ndua bier jang rilo dut song yaom laba  100% tal 360% sa thun  di kol brei mesraiy liba glong. Min, piah mesriay jien di dom gilang pariak, urang mesraiy bhian ngak dom harak gar, brei pabak dom kadha song brei pandar phun jien njauk bruk ba tabiak, nan ye hu oh takik rahra oh mesraiy hu phun jien di gilang pariak. Ni jeng lac sa dalam dom makna prong abih ngak ka khol brei mesraiy laba glong dok brei mesraiy hu.

Ndom ka bruk ni, ong Đào Minh Tú - Phó Thống đốc Thường trực gilang pariak karja brei thau, piah jhul kadun likuk song pamong tal palahik bruk brei mesraiy laba glong, lingiu di bruk ba tangin tame di dom mintri, dom gah, dom tỉnh ban, ye dom labik brei mesraiy brei caga ginup phun jien, pabak ka bruk mesraiy phun jien piah ngak mbang di bhap bini. Kayua yau nan ye, gah gilang pariak dok kham merat pabak bruk mesraiy jien di bhap bini. Meyah bruk caong mesraiy jien di bhap bini lac bruk njauk, brei hu samar drah, ye gilang pariak palagaih ka bhap bini mesraiy .

Tuk vak tapa, Agribank kham merat ieu pataom song buh phun jien biak prong ka drak pasa ngak nong, palei pala, palagaih ka bhap bini hu phun jien piah patagok bruk ngak mbang, pablei salih, oh nao mesraiy di dom kapul nyaom brei mesraiy suan hukum .

Kuhria tal puac thun 2020, gilang pariak hu pabak 1,6 triệu tỷ đồng phun jien ka gah kinh tế, dalam nan, jien brei mesraiy ngak mbang di gilang pariak lac 250.000 tỷ đồng, rilo jang jiak  5 mbang dut haong kuhria tuk camereip. Jiak 500.000 tuai hu mesraiy phun jien piah pabak bruk samar drah yau iek ruak, bac da-a …

Gam haong nan, Agribank jeng pasang iek dahlau song peih jien brei mesraiy dalam harei tuk taduan ginup harak gar caong mesraiy jien chip ka dom bruk samar drah,  ngan saong yaom jien oh tapa 30 triệu đồng…

Dom urang ilamu ndom lac, dalam tuk hu jit ruak, jien duah hu takik ye brei mesraiy pandar cai lac bruk prong piah patagok phun jien dalam negar. Atau ndom lac, brei mesriay phun jien meda dong pachreih bruk ngak mbang, dong pablei pandap panda hu siam jang. Pachreih bruk brei mesraiy dok meda daong prein ka urang ngak yam tapa tuk vak kan kandah. Tuk kinh tế siam veik ye urang ngak hu mesraiy jien di gilang pariak, meda hu jien bayar sraiy. Pachreih brei mesraiy njauk, meda dong pacang jalan kol brei mesraiy yaom liba glong. Kayua lac, bhap bini tok nao duah kol brei mesraiy jien yaom laba glong tuk oh hu jalan palih ruah halei karei./.

Urang lang: Hanipha- 4/3

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân