Rilo panuac tangi sua hu ba tabiak ka dom urang pal akaok dom gah, dom mintri 

Di nyaom ginum biai mbang ka 1 rah tabiak di UBTWMT negar  Việt Nam di akaok bilan 2, dom urang lambaok ginum biai ka bruk hadom urang ka QH mbang 15 di Trung ương piah ka UBTVQH roh duah, taduan mek panuac rik tame saong pasang iek ramik veik ka nyu laghaih. Tui kuhria, urang di jabat, kapul nyaom di Trung ương lac 207 saong urang ka QH di dom tỉnh, ban lac 293 urang. Meda mboh lac, urang QH chuyên trách hu tagok rilo; dom urang di dom jabat ngak adat hukum dalam QH mbang 15 trun daok takik jang dut haong mbang 14, gam haong nan jeng trun daok takik jang di dom jabat karei. Njauk hatai haong bruk brei tagok rilo jang urang QH chuyên trách, dom urang dalam Kapul Akaok UBTWMT negar Việt Nam daok saneng kuhria tuk dom urang QH dalam jabat ngak hukum daok glaong. Amuk Bùi Thị Thanh, dahlau diah ngak Phaok akaok UBTWMT negar Việt Nam, Ủy viên Đoàn Chủ tịch UBTWMT negar Việt Nam ndom lac:

“Dom urang QH dalam dom jabat ngak hukum jeng daok glaong, abih di nyu lac di Jabat Akaok negar; dom urang QH di gah mặt trận saong dom kapul nyaom daok dalam mặt trận ye trun daok takik. QH di sa taneh aia kayua bhap bani, brei ka bhap bani tui njauk jalan ba di Đảng, jeng yau jalan ngak di Sarak Nyaom roya 13 di Đảng ye urang QH ka dom jabat di mặt trận saong dom kapul nyaom daok dalam mặt trận njauk hu sangka tal rilo jang”.

QH mbang 14 hu dom urang quốc hội njauk brei padeih. Caik brei rah tabiak bruk nan hu rilo makna, min makna praong lac trách nhiệm urang nan dalam tuk ngak harak gar hồ sơ, khan brei thau dom asal kadha pambuak pagam tal lý lịch di drei ngan haong Hội đồng palih ruah Trung ương saong tỉnh, ban. Kadha nan caong khin mbang palih ini dom jabat ngak bruk palih ruah njauk pasang iek kajap harak gar hồ sơ, lý lịch jeng yau dom asal kadha karei pambuak pagam tal urang tabiak mbaok piah pilih ruah ka QH. Dom urang oh khan brei thau tapak jeng brei hu jalan ngak piah mboh, piah langyah samar drah, plaih bruk lac tal jaik abih tukvak ngak meng mboh, meng thau, ngak patrun hatai jia di bhap bani ngan haong QH.

Bruk ngak di urang QH ngan haong Đảng, haong bhap bani lac biak praong. Urang QH brei ndom tagok hu sap ndom di bhap bani, brei thau ka hatai saneng, ka caong khin di bhap bani dalam tuk padang ngak adat hukum, sarak saong brei khik hu quyền saong kein laba di bhap bani. Cử tri jia lac palih ruah dom urang ka QH meda lambaok hu ka quyền saong kein laba di bhap bani. Kayua yau nan ye, tok sangka tal hadom urang bo oh sangka tal tiêu chuẩn ye meda ngak pambak oh siam tal chất lượng urang QH. Urang QH njauk lac urang hu hatai siam, hu hatai sahneng atah tuk mboh hu bruk biak di nyu saong oh huac ndom tagok bruk biak, nan lac bruk bo cử tri caong khin. Ong Bùi Sỹ Lợi, Phaok akaok Thường trực UB ka dom bruk xã hội di QH ndom lac:

“Dom urang QH lac urang lambaok ka bhap bani palih ruah drei saong lac jabat quyền lực glaong abih di Karja. Kayua yau nan ye njauk palih ruah dom urang QH hu hatai siam, hu hatai saneng mboh atah, hu ilamu ngak bruk, oh njauk lac urang QH oh hu taong yaom, oh hu ilamu ngak bruk. Nan ye tiêu chuẩn urang QH glaong, tiêu chuẩn urang QH lac biak prong jang rilo duk haong bruk cơ cấu.”

Urang QH lac dom urang hu bhap bani palih ruah. Piah hu bhap bani palih ruah, dom urang nan biak biai siam hatung hatai, naih gheih, lambaok ka bhap bani peih ngak quyền lập pháp, pasang iek saong ba tabiak dom kadha prong di taneh aia. Kayua yau nan ye, dalam bruk urang jakar, pasak di nyu lac tiêu chuẩn, chất lượng urang QH tuk halei jeng hu sangka, lac kadha praong ba tal jak jeng di yaok mbang palih ruah./.

Urang lang : Jasi -25/2 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân