Dom urang lin luac harei melam tui iek pak di jalan tapen negar 

Harei ni lac sa harei praong ngan saong muk  Mười umo 67 thun daok di tổ 4, phường Cheo Reo, ban sit Ayun Pa, lac urang ruak ka 1719  kayua muk hu urang jakar  sang iek ruak  Dã chiến iek ruak  Covid-19 tỉnh Gia Lai jao haraklac abih ruak, piah tabiak truh sang iek ruak. Muk  Mười brei thau, dom harei camereip tame sang iek ruak, muk pandiak glong, rup gleih glar  song biak duh hatai. Muk hu dom  y bác sĩ di sang iek ruak  daong taong ruak  song bhain tangi sua, pachreih ba, nan ye , pren yava song hatung hatai hu tani tanat. Hu mai sang veik , muk Mười biak bui sambai song drut droi:

“ Dom bác sĩ buh pren tabiak iek ruak ka drei, dong ba drei, drei ndua dar phol bác sĩ.”

Jiak sa bilan ni mai, bác sĩ Lê Văn Vinh (di pasak pasang iek ruak kik tỉnh Gia Lai) hu ba nao ngak bruk di bhum jit ban sit  Ayun Pa peih bruk duah thau urang hlaei taom gaok jiak . Bác sĩ Vinh  brei thau, oh lac harei atau melam, meyah tapa dut iek mboh lac urang ruak  Covid-19, kapul di saai ba gauk tagok jalan  song ba abih dom urang F1 tame labik brei dok karei. Tuk camereip, kapul gaok oh takik kan kandah kayua mik va huac bruk brei dok karei, huac urang karei pa-atah di drei, bruk pasang iek brei nao gam song bruk jak ba, pathau khan, langyah ka bhap bini thau song halan hatain ngak tui. Di tuk tabung glong, sa harei hu rilo urang ruak, atau dom tuk  dom urang  F1 nao ngak puh atah di sang labaih pluh mbiak jalan, oh taom gaok hu meng phone tangin, kapul pasang iek brei nyim radeih công nông di bhap bini piah caluai ia chraoh, tapa glai nao duah menuac urang. Bruk ni meda dui atah tal mesup harei hadei :

“Hulin jeng hu jak ba adei saai lac bruk mesruh ni dok atah, dom harei ni oh hu urang njom bahrau, khol drei jhui iek lap. Tu halei hu urang ruak, lac khol drei nao hu mbaok chip  .”

Gam song kapul pasang iek di bác sĩ Vinh, ye kapul dut iek di saia  Nguyễn Thị Ngọc Châu (ndih tapui thun  1990, di CDC Gia Lai) jeng ngak bruk biak glaih glar dalam bhum jit  ban sit  Ayun Pa. Saai Châu brei thau, piah pabak bruk dut iek  yaok ribau mẫu ruak dalam harei, saia song kapul  dut iek brei mek meng  200 tal 400 mẫu dalam harei. Bruk mek mẫu  meng  7 tuk mesup, min tamat bruk tuk kreik melam. Dalam bhum jit ka oh thau harei halei hu mai sang veik, min saai  Châu tuk halei jeng khik ka drei hatai chreih chrai song abih drei ka bruk ngak di urang jakar gah y:

“Dom harei tabung glong jit, khol hulin biak thavi thavar haong bruk ngak, ngak tal mon 11, 12  melam, huak lisei jeng oh dar huak. Hu dom tuk, drei mboh gleih biak, mboh atah sang, min mong veik, mboh hu rahra melam 30 bingun  Tết dok tame labik brei dok karei, oh lac taeng drei  mbang  Tết atah sang. Tuk drei cuk blah aow patih, gam haong dom urang daok ngak bruk haong drei, ye ngak abih drei piah ngak siam bruk hu jao brei.”

Urak ni, di 5 labik hu jit  Covid-19 di tỉnh Gia Lai dok hu jiak  300 urang jakar  y tế di tỉnh ni  song yaok pluh urang jakar y tế meng  Đà Nẵng, dom  Viện Vệ sinh Dịch tễ Tây Nguyên, Viện Pasteur Nha Trang, Viện Pasteur ban raya  Hồ Chí Minh, sang iek ruak  Chợ Rẫy (ban raya Hồ Chí Minh) dok dong ka tỉnh ni dalam bruk pacang, padam  jit .

Bác sĩ Nguyễn Đình Tuấn, Phó Giám đốc Sở Y tế Gia Lai brei thau, gam hong jit ruak Covid-19 bahrau tamuh tabiak, Gia Lai hu rah tapa mbang pacang jit bạch hầu meng bilan  7/2020 tal kreik bilan  1/2021. Ni jeng lac jit ruak mbuan metai menuac, mbuan njom mbak glong dalam bhap bini song jeng rah tabiak rilo di bhum urang bangsa takik . Kayua yau nan ye, bruk pacang, padam jit di dom gah biak kan kandah, gleih glar. Min meng hatung hatia kham merat oh caik ka jit njom mbak dalam bhap bini, gah y tế tỉnh hu peih ngak samu gauk rilo jalan ngak, tuk camereip pasang iek hu jit ruak . Kuhria tal urak ni, Gia Lai pacang hu jit  bạch hầu, klauk vắc-xin ka labaih 24 ribau urang, iek thit ruak ka  56/57 urang ruak. Dok ngan song jit Covid-19, tỉnh hu dut iek labaih  47 ribau mẫu ruak di  5 huyện, ban sit, ban prong.

“Gah y tế ngak bruk luac harei melam, ngak bruk abih drei, ngak bruk oh hu  mbang Tết. Mbiah tal urak ni, meda lac  jit hu pacang cakak, min dok rah tabiak srau kadau. Bruk ni caik ka dom urang jarka y tế kham merat abih drei, pih ngak habar pacang cakak abih jit ruak di pak ni .”

Dom bruk ngak kandang joa di kapul y bác sĩ di labik pacang caga  jit di  tỉnh Gia Lai dok rik dong pacang cakak jit ruak , khik caga pren yava ka bhap bini dalam tỉnh../.

Urang lang: Hanipha- 2/3

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân