Mikva saong grauk ayut birau pang sa-ai Ngưu Thị Hợi daok di tỉnh Ninh Thuận daok sa ragu daoh bhap bini saong langyah ka makna di bruk cuh karah Mata.

Tuk langik meng bilan barak la-ar salih tapa bilan xuân, chreih chrai jang lac dom tukvak bo rilo urang Cam ngak ndam lakhah. Urang Cam jeng daok tui darah gah amaik. Tui adat nan,  sang gah kumei  brei ngak lakah ka anek. Piah brei anek kumei hu lakhah, sang gah kumei brei hu rilo pandap tui hatai caong di sang likei. Daok sang gah likei jeng brei hu dua baoh karah Mata alin ka kumei, meyah kurang karah Mata oh lakhah hu. Hadei ini, tuk jeng diuk jeng pasang blaoh, karah Mata jeng pandap brei thau lac lakhah blaoh, brei mboh prein khang di bruk meyut meyau saong bruk anit ranam gauk tal umo taha di dua diuk pasang.

Sa-ai Tài Nữ Trung Uyên daok di palei Pablap, xã Xuân Hải, huyện Ninh Hải, tỉnh Ninh Thuận lac:dahlak birau ngak likhah blaoh hu tahama brei dua baoh karah mata, ini yau drap ar kaya ngui…

Karah mata likei saong  Karah mata kumei

 

Karah Mata di urang Cam bhian hu dua baoh, nan lac: Karah mata likei saong  Karah mata kumei. Karah mata likei - brei likei cuh, daok Karah mata kumei - brei ka kumei ngui. Karah likei hu mata juk, vin taom dar ngak thaot bingu 8 kat, daok Karah mata kumei tambok glaong dreih yau canak mbuk di urang kumei, vin taom dar sarak bingu, pandiak ia harei…Ông Lương Nhị daok di palei Pabhap, xã Xuân Hải, huyện Ninh Hải, tỉnh Ninh Thuận brei thau: Karah mata tui raidiuk, thei kaya ye ngak meng ameh, thei hu oh ye ngak meng bar, pariak…

Karah Mata oh lac hu yaom glaong gah pandap panda bo nyu daok hu makna dalam akaok sahaneng di urang Cam biak praong nan ye urang tuk halei jeng khik tani tanat. Karah Mata hu tame dalam adat cambat tanarakun di urang Cam. Tuk tal umo thun jeng dam jeng dara, tok diuk tok pasang, meng likei tal kumei jeng brei cuh karah Mata. Tapa nan piah thau lac drei hasa bangsa Cam./.

Urang lang: Ai Nghiem - 16/2/2021

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân