Bruk rong kubao di ong hu mik  va bac megru ngak tui 

Dalam dom dalikan di urang Thái,kubao lac drei athur pambuak pagam song anek menuac. Tuk Then (lac po langik) brei anek menuac trun dunya daok, jeng hu kubao nao tui. Kayua yau nan ye, mik va iek kubao lac athur ginreih, nan ye bhian mek kubao ngak pandap paling yang,lac athur pambuak anek menuac haong Po yang, piah likau po yang brei hu mai siam mekre, hajan siam, hangin lagaih, , pala drak njauk, puk palei sron mbon salamad.

Dahlau deih,mik va bhian paling yang krong, yang ceik meng gu kabao jhuk, patih. Ong Cà Văn Chung, urang  thau cambaih ka ilamu Thái,sa urang dalam kapul văn nghệ bhap bini  Việt Nam, daok di  xã Chiềng Ngần, ban sit  Sơn La, tỉnh Sơn La brei thau: “Kubao dok hu palih ruah lac sa dalam 12 drei athur brei thau ka tuk vak (thun, bilan, harei, mon) dalam saka di urang Thái, nyu lac athur camereip di harei bahrau. Tuk hu menuac metai, urang Thái jeng sik kubao piah ngak ndam. Akaok, rilaow  ngak pandap mbang piah suan di urang metai tagok langik. Min, prong di abih lac, suan di kubao hu nao tui suan di urang metai tagok langik piah urang nan hu drap ar jang yau pren dui li ua tuk ngak hamu angaok langik. Suan  urang metai payua kabao veik di "Đông koai ha" –labik neh rabha menuac song jin khamot, tal bilan ngak hamu meng mek kubao tagok langik piah li –ua ”

Dahlau deih, urang Thái daok di bhum ceik Tây Bắc palao kubao tame njauk labik di nyu ieu lac "púng quai", lac labik piah palao kubao, piah oh palai pajoa phun pala di anek menuac, tal bilan pala meng duah kabao mai piah li –ua hamu i. Nan ye, ngan song mik va, kubao lac athur rong biak hu yaom glaong dalam raiduik, kubao lac sa drap ar prong di boh sang. Kubao salih ka pren menuac dalam bruk hamu apuh, dui kayau padang sang …

Dahlau deih, tok ngak padai sa vụ, saboh mesup urang prong ba kubao nao li-ua, beir harei, uranaih nao glang kubao. Yaom lac yau nan, min, mik va Thái jeng suh sah lac drei pandar abih pren yava di kubao.... Nan ye yaok thun, hadei di tuk yuak padai bloh, mik va hu adat kakuh  kabao dalam harei siam, mon tuất, sap Thái lac "chơ mệt", makna lac mon kandauk, piah likau siam mekre ka kubao yaok harei mbang hareik dalam glai labik kandauh takik gaok bala meng athur jhak dalam glai. Sang halei jeng ngak eng, piah har dar phor kubao hu pren dong ka anek menuac li- au gleih glar, meng hu padai brah piah mbang. Tuk palao tame glai mbang hareik, cong khin kubao oh njauk ramong jhak mbang rilaow, oh blait takai laik trun lubang dalam. Tal bilan li-ua ye mai veik song po sang, puk palei piah dong ka anek menuac li-au hamu puh.

 Adat kakuh kabao oh prong naih. Po sang caga talam salao kakuh kabao  lac:  sa drei menuk tuk tasah, song panyim ia bai, cavan alak, hala panieng song jam ndiuk. Talam kakuh hadei di tuk caga bloh hu ba trun ala sang, caik tame  kreh tapon kubao.. Muk kakuh dok la kakuh.. Kakuh bloh, muk kakuh hak rilaow menuk song hasit sara sarau song sa kacao ndiuk, papaok hala patei, sa kacao hareik meda  brei ka yaok drei kubao mbang song tuh cavan alak tagok akaok kubao. Meroi lac: "Kubao hu dong ka po hu rilo bruk, yau nan bo rilo tuk po dok iek glang kubao oh siam, nan ye po ngak talam lisei kakuh ni piah likau ma-ah kubao song sinya lac iek glang siam jang dalam tuk vak anak tal.Tadhau ayuh ka kubao tuk halei jeng hu prein yava khang kajap ". Ong Cà Văn Chung khan lac yau nan.

Xã hội dak harei dak patagok, urang nong rilo bhum palei urak ni pandar jamriak dalam bruk ngak mbang pala drak salih ka pren menuac, pren kubao, min drei kubao jeng dok lac athur rik dong ba mai yaom glaong kinh tế praong ka rilo boh sang. Kayua yau nan ye, di rilo labik,  mik va  Thái jeng dok khik adat kakuh  kubao./.

Urang lang: Hanipha- 1/3 

 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân